Fáðu tilboð

Alicante

Sól, svaladrykkir
og spennandi námskeið

Alicante er vinaleg borg á suðausturströnd Spánar sem er þekkt fyrir sínar frábæru sólarstrendur. Miðjarðarhafið leikur við borgina dag hvern í hinu fallega Costa Blanca héraði.
 
Þó svo að Alicante sé þekkt fyrir sólastrendur hefur hún upp á margt fleira að bjóða. Matarmenningin á Alicante er í senn vönduð og spennandi og þá er vínmenningin ekki síðri. Afþreyingarmöguleikar eru einnig fjölmargir og ættu því allir að geta fundið eitthvað við sitt hæfi í þessari sólríku og skemmtilegu borg.

Ævintýralegir afþreyingarmöguleikar

UPPLIFÐU BORGINA AF ALVÖRU

Gönguferð í kastala

Gönguferð í St.Barbara kastalann er innifalinn í ferðunum okkar. Þá göngum við frá hótelinu upp á hinn fornfræga kastala sem er kennileiti Alicante. Um 30 mín. gangur er upp í kastalann sem geymir flott útsýni yfir borgina og sjóinn. Þarna er skemmtilegt að sjá hvernig bærinn hefur stækkað og breyst frá 9. öld. Eftir þetta göngum við þaðan niður í hinn heillandi gamla bæ sem er eins og leikmynd i Mama Mía.

Lengd: 2 klst.

Verð: Innifalið.

Tapas hjólaferð

Juan í Blue Bike býður upp á frábærar Tapas hjólaferðir um Alicante þar sem hann sýnir nokkrar leyndar perlur og segir okkur sögu borgarinnar. Á leiðinni er stoppað á tveimur tapasstöðum þar sem er boðið upp á drykk og tapasrétt. 

Blue Bike er hjólaleiga nálægt hótelinu og Juan er mjög skemmtilegur og fróður sögumaður.

Lengd 2,5 klst.

Verð: 30 Evrur.

Sigling

Þátttakendur geta farið á eigin vegum til eyjunnar Tabarca. Eyjan er algjör ævintýraeyja sem einfalt er að heimsækja. Siglt er með lítilli ferju og tekur siglingin um hálftíma en sigling í Miðjarðarhafinu er upplifun út af fyrir sig. Dagsferðir til Tabarca eru mjög vinsælar enda kjörið að fara þangað til að skoða sig um eða liggja á ströndinni og slaka á.

Lengd: 10.00-17.00 (7 klukkustundir).  

Verð: 30 Evrur í ferjuna. 

Hægt er að leigja Jetski og keyra út í eyjuna sem er æðislegt.

Miðaldarstemming við Miðjarðahafið

Borgin státar af ólíkum einkennum sem hvert og eitt gefur henni mikið gildi. Fyrst ber að nefna Gamla bæinn en þar sést hvað best hin glæsilega byggingalist sem er einkennandi fyrir þessa gömlu fallegu borg. Í Gamla bænum er kjörið að setjast niður og gæða sér á mat og drykk í afslöppuðu umhverfi, eða einfaldlega tylla sér á bekk og viðra fyrir sér mannlífið á sólríkri stund.

Verslaðu í leiðinni

Fjölmargt er í boði þegar kemur að verslun á Alicante. Fjölmargar búðir hjá kaupmanninum á horninu, eins og sagt er, geyma mikið úrval af vörum á mjög góðu verði. Einnig eru stórar verslunarmiðstöðvar á Alicante og má þar helst nefna Plazamar 2 en þar má finna fjölda verslana t.d. HM,  Zöru, Adidas ofl. Það tekur um fjórar mínútur að ganga frá hótelinu okkar í Plazamar 2. Um 30 mínútna gangur er í aðra stóra verslunarmiðstöð, GranVia, og þar má m.a. finna Primark. Leigubíll þangað frá hótelinu kostar tæplega €10. Fyrir iþrótaunnendur má líka nefna Nike Outlet sem er rétt fyrir utan Alicante. Þar er boðið upp á Nike fatnað á mjög góðu verði.

Hotel Maya – þitt nýja heimili!

Hótel Maya er samstarfshótelið okkar. Frábærlega staðsett og vinalegt hótel miðsvæðis á Alicante. Aðeins um 14 mínútna gangur er á ströndina og þar er oft mikið líf og fjör með líflegum börum og veitingastöðum. Kastalinn Santa Barbara er í bakgarði hótelsins og tekur um 30 mínútur að ganga upp á hæsta punkt til að njóta útsýnisins yfir borgina. Einnig er hægt að taka lyftu upp sem kostar €2. Nauðsynlegt er að fá sér göngutúr í gamla bæinn sem er 18 mínútur frá hótelinu. Gestir okkar hafa ávallt verið ánægðir með hótelið og hrósað staðsetningu og þjónustu þess. Sundlaugagarðurinn er sérlega skemmtilegur og þar er frábært að vera í sólbaði og kæla sig svo reglulega í sundlauginni.

Skólaheimsóknir

Endurmenntunarferðir eru í frábæru sambandi við marga skóla á Alicante sem taka vel á móti íslensku skólafólki. Skólarnir eru mismunandi  og gefa góða innsýn í þá fjölbreyttu flóru sem er í spænsku skólastarfi. Við bjóðum upp á heimsóknir í alþjóðlega og einkaskóla og ríkisrekna spænska skóla. Gestum gefst kostur á að skoða sig um og kynnast öðruvísi skólasamfélagi en þeir eru vanir. Við höfum aðgang að mörgum skólum þannig að hægt að finna skóla við allra hæfi. 

Alicante

Sjá nánar um Alicante

Previous
Next

Ánægðir viðskiptavinir

"Frábærlega vel skipulögð ferð í alla staði. Það eina sem ég þurfti að hugsa um var að koma mínu fólki í rútuna á morgnana. Snilld að það sé búið að skipuleggja allt fyrir mann."

Leikskólastjóri Leikskóli í Mosfellsbæ

"Njarðvíkurskóli hefur farið með Endurmenntunarferðum til Alicante og Berlínar. Í báðum ferðunum hafa öll samskipti við Nonna og hans fólk verið til fyrirmyndar, hvort sem það hefur verið fyrir ferðir, á stöðunum eða eftir heimkomu. Þjónustan frábær og Nonni fljótur að bregðast við ýmsum atriðum sem tengjast því að ferðast með stóran starfsmannahóp."

Njarðvíkurskóli

"Við höfum farið með Endurmenntunarferðum tvisvar erlendis í námsferðir. Þjónustan hefur verið til fyrirmyndar. Snögg að svara og allar okkar óskar hafa verið uppfylltar. Öll úrvinnsla td með styrkumsóknir og annað hafa verið frábært"

Leikskólastjóri Leikskóli á Reykjanesbæ

Viltu vita meira?

Ef þú hefur áhuga á að fara í endurmenntunarferð upp á eigin spýtur eða vilt leita eftir tilboði fyrir hópinn þinn geturðu haft samband við okkur og við svörum um hæl!  Hlökkum til að heyra frá þér og vonandi verðum við saman sötrandi svaladrykki í sandinum næsta sumar!
FÁÐU TILBOÐ
Áfangastaðir

Amsterdam
London
Gdansk
Alicante
Berlín

Flýtileiðir

Námskeið
Fá tilboð
Um okkur
Persónuverndarstefna
Hafa samband

© 2023 Endurmenntunarferðir.is – Allur réttur áskilinn